14.10.2024 14:29 von Adelheid Bonnetsmüller (1. Gaupressewartin)
Am Freidog war Preisrichterschulung in Emmering. Dabei hamm sie de Preisrichter ned nur aufs kommende Gaujugenddirndldrahn in Steinhöring vorbereit, sondern aa an neia Obmann gewählt. Noch 9 Jahr Amtszeit hod da bisherige Obmann Flori Griebl sei Amt niedergleggd. Ois neia Preisrichterobmann is unsa ehemaliger Gauvorplattler Georg Sollinger vo de Preisrichter einstimmig gwäid worn. Im Anschluss an de produktive Schulung hamm sie Georg Sollinger und Johanna Jack im Nam vo de Preisrichter und Gauvorplattler Sepp Brem stellvertretende fia olle Aktiven Diandl und Buam herzlich beim Flori fia sei Arbad bedankt und eam a gloans Präsent überreicht.
Da Gauverband konn sie dem Dank nur ohschliassn. Mir sann frou, dass uns da Flori weidahin ois Wertungsrichter erhalten bleibt und wünschen am Georg oizeit guads Gelingen in seim neia Amt!
Bericht: Sepp Brem, Gauvorplattler
Im Bild vlnr: Gauvorplattler Sepp Brem, Florian Griebl und Georg Sollinger.
|
|
|