26.06.2021 08:56 von Thomas Albersinger
Griaß eich,
wia bereits in de zwoa Versammlungen ohkündigt, finden heia wieda a Gaujugend- und a Gaupreisplatteln statt:
Beide Veranstaltungen wern im Freien stattfinden.
Da genaue Ablauf, Hygienemaßnahmen und so weida wern im Vorfeld bekannt gehm, wenn absehbar is, wia de Situation im Herbst ausschaut.
Aufgrund der erschwerten Vorbereitung gehma heid aa glei scho olle Plattler bekannt:
AK I (bis 10 Jahr): freie Auswahl
AK II (11-12 Jahre): Reit im Winkler
AK III (13-14 Jahre): Haushammer
AK IV (15-16 Jahre): Inntaler
AK V (17-23 Jahre): Mooswinkler
AK VI (24-30 Jahre): Sulzbergler
AK VII (31-40 Jahre): Heitauer
KG I (bis 12 Jahre): freie Auswahl
KG II (bis 14 Jahre): Haushammer
JG (15-16 Jahre): Inntaler
Gruppen Aktive: Mooswinkler
Beim Gaupreisplatteln gibds ganz normal de Möglichkeit, dass sie de Buam aus AK V, VI und VII fia de Gaugruppe qualifizieren.
De Gaujugend werd aufgrund der bsundan Situation heia erstmals aus de Buam in da AK IV (15-16 Jahre) zammgstäid. De Dirndl aus da aktuellen Gaujugend bleim bis naxds Jahr drinn und qualifizieren sie dann ebenfalls aus da AK IV.
Grund fia de Umstellung is vor allem, dass de aktuelle Gaujugend bis iadz no nix vo eanana Zeit ghabd hod. Aussadem dad ma de Umstellung inklusive jährlichem Wechsel gern in dem Zuge moi ausprobian und wenns guad hihaud gern dabei bleim. Do samma nadialich imma dankbar fia eichane Rückmeldungen.
Nadialich sann des zwoa Gaupreisplatteln undda bsundane Bedinungen. Aba mir dadn song, mach ma as beste drauß und seng mas aa ois Chance, de zwoa Termine a bissal legerer zu gestalten ois mas gwohnd sann. Uns dads gfrein, wemma zwoa bärige Dog mied an Hauffn Teilnehmer aus möglichst olle Vereine verbringa kinnan.
An dera Stäi scho moi a rießen Dankscheen an Rohrdorf und Nussdorf, dass es eich ois Veranstalter zur Verfügung stellts! 
A subba Sach, bsundas in dera schwierigen Zeit!
I werd demnächst de Anmeldebögen per Post und Mail an eich verschigga.
Bei Fragen oda Anregungen kinnds gern ohruafn, oda mir kemman gern moi persönlich in a Prob vorbei 
Scheene Griaß,
Eicha Gaudirndlvertreterin und Gauvorplattler
Vrone, Waste und Sepp